An-um nga government workers halin sa probinsya it Aklan ro nakasueod makarung dag on sa listahan it regional winners sa Search for the Outstanding Government Workers of the Civil Service Commission (CSC) Region 6.
Kaeakip sa mga awardee hay sanday Dr. Julie Ann A. Salido, Professor III ng Aklan State University (ASU) sa idaeum it Presidential Lingkod Bayan Award Category; Master Teacher III Sharon Gungon, Master Teacher I Ruel Z. Mia II, Head Teacher II Renan N. Nacor, at Master Teacher II Boby Rose R. Ricaforte- parehung halin tanan sa Department of Education (DepEd), nga nagdaog sa idaeum it Dangal ng Bayan Award Category.
Si Dr. Josephine Ricamonte, Rural Health Physician it Madalag, Aklan, ro nagkumpleto sa listahan it regional winners halin sa Aklan, nga nagdaog man sa idaeum it Dangal ng Bayan Award Category.
Ro mga nagdaog hay iga-endorso it CSC Regional Office 6 sa National Honor Awards Program Secretariat para sa dugang nga assessment. // ANN DESLENE SALAZAR
