ZAMBALES-Maaari makapagparehistro sa Commission on Election sa pamamagitan ng android phone kahit offline ang mga residenteng sakop sa pilot testing ng Comelec Mobile Registration Form Application.
Ayon kay City Comelec Officer Atty. Marvyn Gaerlan, sa Zambales ay mayroong anim na munisipyo na kabilang sa pilot testing area.
Ito ay kinabibilangan ng mga munisipyo ng Iba, Masinloc, Candelaria, Botolan, Castillejos at San Narciso.
Bago magamit ang mobile application ay kailangan muna itong i-download at pagkatapos ay pwede nang magfill-up ng form sa android phone kahit offline.
Pagkatapos nito ay bibigyan ng QR code na kailangang i-save dahil ito ang ipapakita sa pagpunta sa Comelec Office para sa iba pang proseso.
Maaari naman umanong hingin ang link ng application sa mga opisina ng Comelec para ito ma-download.//Jen Bayot-BNFM OLONGAPO
