LEGAZPI CITY – Binisita kan Social Security System (SSS) an 6na establisimyento sa banwaan kan Camalig na igwa nin bayolasyon sa opisina sa paagi kan Relief Afforded to Challenged Employers (RACE) program.
An mga nagin bayolasyon kan mga ini iyo an pagigin non-reporting asin non-remittance.
Obheto kan programa na matawan nin patanid an employers kan manlain-laing negosyo na dai nagbabarayad nin tamang kontribusyon sa saindang mga personahes asin nagpagirumdon na magbayad nin tama sa oras kan kontribusyon nganing dae makahampang sa mga reklamo o problema.
Sa paaging ini, tinawan sinda nin 15 aldaw na palugit nganing asikasuhon ini asin dae na umabot pa sa kasong legal.
Presente digdi sinda SSS Legazpi Branch Head II Jogar Tosoc, SSS Legazpi VP Elenita Samblero asin si Atty. Ma Charissa Velasco kairibahan an iba pang mga personahes kan opisina.
Mientrastanto, segun kay Samblero, piglalaoman na maabot sa labi P200,000 an makokolektar sa employers sa paagi kan programa; PHP186,000 kantidad nin kontribusyon asin PHP40,000 sa penalidad.
