LAING unom ka parisan ang gikasal sa Mayor sa sulod sa conference room ug duha sa gikasal mga langyaw.
Agusto 18 tuig 2022 pasado alas 9 sa buntag gikasal ni Mayor Lorelie Pacquiao ang unom ka partisan gikan sa managlahi nga barangay.
Sumala sa labaw sa Local Civil Registrar kon LCR nga si Nenita Ellivera nga usa sa gikasal Amerikano unya ang laing usa Taiwanese, mga Pinay ang ilang na asawa.
Gidugang ni Ellivera nga ang ilang giproseso aron makasal katong nagpuyo na sa 10 ka tuig pataas may anak man o wala nga ginatugot sa balaud.
Gipasabot ni Ellivera nga mahinungdanon ang kasal aron maproseso ang legitimazation sa mga anak, makadala sa apelyedo ug mahimong beneficiary sa ginikanan.
Gipahibalo usab nga sa umaabot nga Septembre 22, 2022 may 20 ka partisan ang takdang kaslon sa Mayor. I Ver Diazon
