Paga kasuhan it pag-eapas sa Presidential Decree 1865 o Pag baligya it tingi-tingi nga gasolina ru sangka 52 anyos nga eaeaki sa Brgy. Balactasan, Madalag, Aklan.
Sa report it Madalag Municipal Police Station, kulong sa makaron sa nasambit nga Municipal Police Station ru suspek nga naghinyong indi pag pangaeanan sa kahingan.
Akto sigun nga nadakpan it mga otoridad matapos mabakean it tingi-tingi nga gasolina rason nga uwa eon kabalibad ru suspek.
Samtang, padayon sa makaron ru pag padumdom it mga kapulisan sa publiko nga mag sunod sa layi partikular sa mga naga baligya it tingi-tingi nga gasolina agud malikawan ru kaso ag pinalidad.//MARIVIC Y. ILIN
