Makita sa nasod Bolivia ang usa ka hotel nga gama lamang sa asin.
Gihimo kini ni Juan Gabriel Quesada ug ang iyang amahan maoy naka-ideya sa pagtukod sa usa ka salt hotel tunga-tunga sa disyerto.
Gitawag kini nga “Palacio De Sal” nga ang buot pasabot sa ingles mao ang “Palace of Salt”, ug mapalgan sa pinakadako nga salt flat sa tibuok kalibutan, ang ang Uyuni Salt Flat sa Bolivian Desert.
Sigun kang Juan, 30-ka tuig na ang nakalabay nga nahuna-huna-an sa iyang amahan nga magtukod sa palasyo sa disyerto nga mapalibutan sa asin.
Tungod gigahin sa amahan ni Juan nga gamiton ang tanan sa ilang tigom aron mangita sa tawo nga makatabang sa pagtukod sa hotel.
Naggama sila sa bloke sa asin ug gihulma gamit ang tubig aron matukod ang pader, atop, salog lakip ang mga gamit niini.
Giputos sab nila ang matag bloke sa fiber glass aron masiguro nga dili matunaw sa ulan ang hotel.
Sa karon daghang turista ang gabisita ug ga-check in sa maong hotel ug dunay uban nga dili makatuo nga gama sa asin ang maong hotel. -END-
