Lima ang mga nagkaladakpan nga nagalapas sang Comelec gun ban sa probinsya sang Capiz sumugod Agosto 28 tubtob Setyembre 14, 2023.
Suno kay Capiz Police Provincial Director PCOL Jerome D. Afuyog Jr., resulta ini sang mas ginpasangkad nga gun ban kag checkpoint sang otoridad sa mga kabanwahanan.
Samtang, hugot nila nga ginabantayan ang 6 ka mga banwa sa Capiz bangud sa presensya sang Communist Terrorist Group. Gin-aku man ni Afuyog, nga subong kulang ang numero sang kapulisan apang ginpasiguro sini nga indi ini mangin upang tungod sa suporta kag bulig gikan sa Armed Forces of the Philippines, Philippine Coast Guard kag kapulisan halin sa rehiyon.
