PORMAL nga gidawat sa probinsyal nga panggamhanan sa pagpanguna ni Governor Nelson Dayanghirang ang lima ka mga kanhing miyembro sa New People’s Army nga mibalik sa sabakan sa gobyerno.
Sila alyas Teddy, Jeckel, ug Banjie nag-operate sa Front 18 nga nagalihok sa Mati ug uban pang munisipyo sa Davao Oriental ug sila alyas Jane ug AJ naglihok sa Front 25 ug SR2 nga aktibo sa mga lugar sa Compostela Valley nitahan na sa gobyerno tungod sa kalisod ug kagutom sulod sa kalihukan.
Sa ilahang pag-surrender, tulo kanila ang mi-turnover ug mga armas nga usa ka M653 with M203, usa ka AK47, ug usa ka M653 R4 with M203.Isip pagpakita sa iyang kalipay sa pag-surrender sa mga kanhing rebelde, mihatag ang opisyal, pinaagi sa Provincial Social Welfare and Development Office, ug tag-P100,000 kada usa sa mga Former Rebels.
Aduna usab tag-P50, 000 ang tipsters ug negotiators nga mitabang pagpa-surrender sa lima.Ang seremonya nga gitawag nga “Pag-uli,” gidaluhan usab sa 701st Deputy Brigade Commander COL OLIVER C MAQUILING, Acting Provincial Director sa Davao Oriental Police Provincial Office (DOPPO) PCOL EFREN E ORLINA, Provincial Task Force to End Local Communist Armed Conflict Focal Person ug Vice-Chairman Ednar Dayanghirang, ug uban pang bisita gikan sa DILG ug mga ahensya sa gobyerno.
Ang lima ka surrenderers ipailalom ug intervention program ubos sa Enhanced Comprehensive Local Integration Program (ECLIP) kung asa sila mudawat ug mga lain-laing mga programa ug serbisyo gikan sa probinsyal ug national nga panggamhanan.
Province of Davao Oriental