Naghain ng kanilang petisyon para makapaglagak ng piyansa ang limang akusado sa pagkamatay ng hazing victim na si John Matthew Salilig.
Ayon sa prosecution, kabilang sa mga naghain ng naturang petisyon sa Biñan Regional Trial Court Branch 155 sina Daniel Perry alyas Sting, Michael Lambert Ricalde alyas Alcazar, Sandro Victorino alyas Loki, Mark Pedrosa alyas Makoy at Tung Cheng Teng alyas Nike na dumalo sa pagdinig sa pamamagitan ng video conferencing.
Dagdag ni Atty. Victor Dalanao ng prosecution, iprenesenta nila si Roi Osmond Dela Cruz, ang neophyte na kasama ni Salilig at ibang ebidensya sa korte.
Kaugnay nito, sa June 7 ang susunod na bail hearing at itinakda naman sa June 28 ang main trial ng pitong akusado. //CA edited MHEL PACIA
