Nadakop na kan mga otoridad an 47 anyos na lalaking wanted huli sa kasong may kinaraman sa panghahabon sa Brgy. Santa Cruz, syudad nin Libon sa probinsya kan Albay. Binisto ining si alyas “Grego”, may agom, construction worker asin residente kan P-3, Brgy. Malama kan nasambitan na syudad.
Susog sa report, naarestar an suspetsado sa kusog kan mandahamiento de aresto na pirmado kan Mayo 31, 2010 na pigsirbi kan personahe hale sa hepatura kan pulisya nin Ligao asin an saro pang yunit para sa kasong Qualified Theft, kun sain PHP20,000 an pigrekomendar na pyansa kan korte para sa saiyang temporarmenteng libertad.
Presenteng nasa kustodiya na kan nasambitan na hepatura an suspestado para sa magkakanigong disposisyon.
