Malampusong nakakompleto ang 45 ka benipisyaryo sa life skills training kagahapong adlawa sa PESO Center Brgy.3 dakbayan San Carlos.
Ang 45 ka mga benepisyaryo naglangkob sa 28 ka mga babaye ug 17 ka mga lalaki nga naggikan sa nagkalain-laing Barangay nga sakop sa dakbayan.
Kabahin kini sa JobStart Philippines Program sa Department of Labor and Employment kon DOLE ang pagpahanas sa mga estudyante.
Ang maong programa gipasiugdahan sa PESO-San Carlos nga milanat ug 10 ka adlaw nga nagsugod niadtong Hunyo 24.
Sumala pa ni PESO Manager Mariel M. Avenir dihang nahinabi sa brigada news team ang JobStart Program adunay positibong panglantaw nga epekto sa dakbayan pinaagi sa pagpalambo sa trabaho sa mga batan-on sa usa ka proactive work ethic.
Nisuporta usab si Provincial JobStart Focal Person Gretchen Pasiolan sa mga nangitag trabaho pinaagi sa paghatag ug life skills ug technical trainings.
Giawhag niya ang mga nakakompleto sa paggamit sa ilang nakat-onan nga kahanas alang kaayuhan.
