Naga-abot sa 43 nga mga individual ru eomabag sa curfew hour ag pag-eabag sa health protocol sa Boracay.
Sa record it Malay Municipal Police Station, 42 ru eomabag sa isla ag 1 man sa mainland Malay.
Eomabag ru mga raya samtang naghimo it simultaneous operation ru Malay MPS sa idaeom it Memorandum of Agreement No. 453.
Gin pamulta ru mga raya it P2,500 sa kada pag-eabag.
Kaungdan it MOA hay ru COVID-19 Prevention and Control Ordinance partikular ru pagsuksok it face mask, face shield o eye protector, striktong pag-implementa it physical distancing, curfew hour, liquor ban ag pag bawae it social gatherings.//MARIVIC Y. ILIN
