BANGA, AKLAN—Binaril patay it riding in tandem ru sangka 42 anyos nga mekaniko samtang naga maneho it tricycle sa daeanon it Brgy. Venturanza, Banga, Aklan kabie.
Sa initial nga imbistigasyon it Banga MPS, nakilaea ru biktima nga si Romer De Juan y Salvador, ag residente it nasambit nga lugar samtang sangka riding in tandem nga nakasuksok it itom nga jacket ag itom nga helmet ru nakita it mga residente nga bumaril sa biktima.
Naka angkon it tamat pagbaril sa parte it kaeawasan ru biktima ag eagi man nga gin respondehan it MDRRMO-Banga apang gin deklara it doctor nga dead on arrival.
Samtang, padayon pa sa makaron ru maid-id nga imbistigasyon it mga kapulisan sa krimen.//MARIVIC Y. ILIN
