Arestado ru may kapin sa 4 ka mga wanted person sa gin patighayon nga man- hunt operation it Malay MPS sa isla it Boracay.
Unang na aresto ru 3 mga wanted person sa kasong pag-eabag sa Presidential Decree 1602 o Illegal Gambling Law sa Brgy. Manoc-manoc Boracay, Malay, Aklan.
Ru mga akusado hay may Criminal Case No. Criminal Case No. 2302.
Naga balor it tag-P30,000 kada individual ru pyansa.
Samtang, arestado man ru sangka akusado sa kasong RPC Article -336 o Acts of Lasciviousness nga may Criminal Case no. CC 2297-M sa Brgy. Balabag Boracay, Malay, Aklan.
Naga balor it tag-P36,000 ru pyansa it nasambit man nga akusado.
Gin issue ag permado ru warrant of arrest ni Cleo Marie Santillan, Presiding Judge, Municipal Circuit Trial Court it Malay ag Buruanga nga may petsang June 29.
Nakataeana nga iga turn-over ru mga akusado sa korte nga natungdan.//MARIVIC Y. ILIN
