Kinumpirma ng Department of Foreign Affairs (DFA), na nakatakdang umalis sa Kyiv papuntang Pilipinas ang apat pang Pilipino sa Ukraine, para sa voluntary repatriation.
Ito ay kasunod ng naunang anim na Pilipinong umuwi ng bansa, sa harap ng patuloy na tumataas na tensyon sa Ukraine.
Ayon kay Foreign Affairs Undersecretary Sarah Lou Arriola, ngayong araw ang nakatakdang pagdating ng naturang mga kababayan sa Manila.
Dagdag ni Arriola, na mula Huwebes, 181 Filipinos sa Ukraine ang accounted for.
Mababatid na naglunsad na ang Russia ng full-scale invasion sa Ukraine, na dahilan para mapilitang lumikas ang maraming residente. //MHEL PACIA-TRINIDAD
