KALIBO,AKLAN—Nag-angkon it tama’t pagbaril sa paa ru sangka 38 anyos nga eaeaki matapos aksidenting mabaril ru kaugalingon nga paa sa Brgy. Briones,Kalibo,Aklan kagabi.
Sa report, nagpangayo it police assistance si Brgy. Captain Albert Dela Cruz para daehon eagi sa hospital ru biktima.
Eagi man nga gin respondehan it Kalibo MPS ru insidente.
Halin sa inuman kaibahan ru anang igkampod it biktima kat matabo ru accidental firing.
Bumisita pa sigun sa tawamnan it melon ru biktima bago mag-uli sa andang panimaeay kat may gulping nabatian nga eopok it baril.
Ulihi eon naka pansin nga tinamaan ru anang paa rason nga dumaeagan it madasig pauli sa andang panimaeay.
Gin daea sa hospital ru biktima it mga rumesponding MDRRMO-Kalibo para maeapatan it pagbueong.//MARIVIC Y. ILIN
