375 wanted persons ro nadakop it mga otridad sa bieog nga Western Visayas ku nagtaliwan nga buean.
Base sa datos it Police Regional Office 6 (PRO), 70 dikara hay na-classify bilang most wanted persons samtang ro 304 man ro wanted persons.
Nagapanguna ro Negros Occidental Police Provincial Office (NOPPO) nga may pinakamaabong persona nga nadakop sa most wanted persons nga nag-abot sa 29. Sumunod ro Iloilo Police Provincial Office nga may 16; Bacolod City Police Office nga may 13; Iloilo City Police Office nga may an-um; Capiz Police Provincial Office nga may ap-at; ag Antique Police Provincial Office ag Criminal Investigation and Detection Group- Regional Field Unit 6 nga may tig-sambilog nga nadakop.
Samtang, sa mga wanted persons man, nagapanguna ro NOPPO nga may 142; IPPO nga may 55; BCPO nga may 41; CPPO nga may 16; Aklan PPO nga may 14; ICPO nga may 11; Antique PPO nga may 7; Guimaras PPO nga may 5; ag Criminal Investigation and Detection Group- Regional Field Unit 6 nga may 14./JIL B. LACSON
