MOKABAT sa 37 ka mga buntis ang gihatagan og infant kits sa Brigada News FM GenSan, Miyerkules January 18 sa pagpanguna ni acting station manager Ernie Gabonada.
Ang mga buntis nga anaa sa compound sa Dr.Jorge P.Royeca Hospital sa Family Planning Unit ang nahatagan sa maong infant kits ug arrozcaldo.
Kauban ang tanang personahe sa Brigada News FM sa maong activity nga naatol sa pre natal orientation sa mga buntis.
Mapasalamaton usab ang mga personnel sa Family Planning Unit sa maong programa sa Brigada.
Lakip nagpasalamat si Merchel Gabonada, Family Planning Coordinator ug Dr. Ryan Aplicador, Chief of Hospital.
Usa ka staff usab sa Family Planning Unit nagpasalamat sa Chairman/CEO sa Brigada, Elmer V.Catulpos sa maong adbokasiya.
Ang infant kit distribution nga misulod na sa week 4 ang kabahin sa programa sa Brigada Group of Companies sa paghatag ug bili sa mga buntis ug sa ilang umaabot nga mga babies.
