Hugtanong ipatuman sa Archdiocese of Davao ang 30% seating capacity attendance sa tanang mga simbahan kini alayon sa pagpaubos sa dakbayan sa Modified Enhanced Community Quarantine hangtud sa June 20, 2021.
Subay sa Pastoral Advisory #13 nga gipirmahan ni Archbishop Romulo Valles, gimando ang pagbutang og mga marking sa mga lingkuranan aron masunod sa mga parokyano ang physical distancing.
Samtang kanselado una karon ang pagpahigayon og buyag sanglit gibawal ang paggawas sa mga menor de edad.
Sa laing bahin nanawagan usab ang Arsobispo sa katawhan nga palig-unon na ang pagtuo sa labawng Makagagahum pinaagi sa pag-amo og pagsalmot sa mga live stream sa mga Holy Mass alang sa dili makaadto sa mga simbahan.
