Ginpasidunggan ro tatlong Aklanon Agripreneurs sa Regional Awardees it Young Farmers Challenge – Western Visayas 2023 sa ginpatigayun nga Rice Farmer’s Day ku November 29 sa Jaro, Iloilo City.
Ro mga Aklanon Agripreneurs nga nakabatun it pasidungog sa YFC REGIONAL AWARDEES (Start-Up), hay sanday Israel Zaulda it Cylvania’s Farm Products it Libacao, Aklan sa (Processing Category); Mea Claudette Martesano it Meyas Pastil Farm Products sa Nabas, Aklan (Processing Category).
Samtang ro YFC REGIONAL AWARDEES (Upscale) hay si Jayson Merin it PLIF Integrated Farm, sa New Washington, Aklan.
Nakabatun it tig P150,000 ro kada agribusiness para sa mga YFC Start-Up Awardee samtang P300,000 man ro nagbatun it mga YFC Upscale kung siin, makabulig raya sa pagpa improba it andang mga negosyo. // ANN DESLENE SALAZAR
