Kinumpirma ni Punong Baranggay Edgar Domingo na tatlong tindahan ang nasunog sa Purok Bagong Lipunan ng bgy. Dumanguena, Narra Palawan.
Napag-alaman na pagmamay-ari ang mga tindahan nina Joana Francisco, Wilkie Macadag-um at Pacita Parojenog.
Ganap na 5:10 kaninang umaga December 30 , 2021 sumiklab ang sunog habang mag-aalas 6:00 ng umaga ideklarang fire out.
Ayon kay fire Investigator FO1 Mark Daniel Galicia ng BFP- Narra posibleng electrical overload ang sanhi ng sunog at humigit kumulang nasa P90,000 ang halaga ng gusali ang natupok ng apoy.
Nagpapatuloy ang ginagawang imbestigasyon sa nangyaring insidente ng sunog.
