Dead on arrival kat daehon sa ospital ro 44 anyos nga eaeaki nga residente it Barangay Botong, Oton, Iloilo nga aksidenteng nakuryente sa nasambit nga lugar.
Samtang D-O-A man ro sangka 48 anyos nga eaeaki nga residente it Barangay Indaluyon, Igbaras, Iloilo matapos aksidenteng masagi ro kuryente.
Sa banwa man it Miag-ao, sangka 54 anyos nga eaeaki ro namatay matapos makuryente ag nahueog sa hagdan.
Naninahan man ro sangka menor de edad ag sangka 18 anyos nga eaeaki matapos aksidenteng iguon it kilat samtang nagapahuway sa sangka payag. / ANN DESLENE SALAZAR
