Tiklo an tulo nga Street Level Individual ha gindumara nga Anti-Illegal Drugs Operation han mga operatiba ha Barangay 101 New Kawayan Tacloban City, dida han Abril 14, 2023.
Ginkilala an mga suspek nga hi alyas Intoy, 26 anyos, alyas King, 27 anyos ngan usa nga menor de edad nga pareho mga residente han siyudad han Tacloban.
Nanguna ha operasyon an pinag-usa nga pwersa han mga personnel han Tacloban City Police Office-SDEU Police Station 3 ngan PDEA 8.
Nakumpiskar tikang ha mga suspek an gintutuohan nga shabu nga mayda kabug-aton nga 22 gramo nga may balor P149,600.
An mga naaresto in naatubang na ha kaso nga pagtalapas ha Section 5, ngan 11 han Article II han Republic Act 9165 o Comprehensive Dangerous Drugs Act of 2002.
