Wala na matabang pa ang kinabuhi sa mag live-in partner ug usa ka dalagita human nga nakuryentihan kini sa live wire kaniadtong Disyembre 19 pasado alas 5 sa hapon sa Purok 5 Cabugan, Brgy. Busaon, Tagum City, Davao del Norte.
Ang mga biktima giila nga sila Ronaldo Gabucan, 45-anyos, ug Antonina Sasil, 45-anyos, mag live-in partner ug ang ilang anak nga si Ray Ann Sasil Gabucan, 13-anyos, ug mga residente sa Purok 3, Brgy. Busaon, Tagum City.
Subay sa imbestigasyon sa Tagum City Police Station, sakay sa motorsiklo ang mga biktima nga gimaneho ni Ronaldo samtang nagbyahe kini, ug sa dihang adunay nibabag nga usa ka wire sa dalan gigunitan matud niya kini aron waklion apan wala kini masayod nga live wire ang iyang gigunitan hinungdan nga mikatay ang kuryente sa mga biktima nga miresulta sailang hinanaling kamatayon.
Gisulayan pa og tabang ang mga biktima apan nag buy-od na kini nga wala nay kinabuhi, igo na lamang nasubo ang kabanay sa mga biktima sailang gidangatang insidente. BNFM-Davao
