BALHOG sa selda sa Polomolok Municipal police station ang tulo ka lalaki human masikop sa drug buy bust operation sa Purok Mabuhay, Barangay Magsaysay sa nahisgotang Munisipyo, milabayng semana.
Giila sa kapulisan ang mga dinakpan nga silang alyas Esoy, 46-anyos, panday; alyas Bon, 33-anyos, vendor residente sa nahisgotang lugar ug si alyas Jay, 36-anyos, ulitawo, taga Purok Vicente sa Polomolok.
Naimbargo sa kapulisan gikan sa posisyon sa tulo ka lalaki ang lima ka pakete sa gituohang shabu, nga nagkantidad sa Php6,860 ug usa ka libu ka pesos nga buy bust money.
Giandam na sab sa kapulisan ang tukma nga kaso batok sa mga dinakpan. I Enamie Mogpon
