Girekomenda sa City Schools Division sa Cagayan de Oro ang tulo ka senior high school sa syudad alang sa limited face to face classes.
Gikompirma ni City Schools Division Superintendent Cherry Mae Limbaco-Reyes nga lakip sa girekomenda ang grade 12 TechVoc sa Gusa Hills National High School alang sa electricity, Lapasan National High School alang sa automotive ug Bulua National High School alang sa welding.
Nakakuha na matud pa sa approval ang City Schools Division gikan sa Local Inter-Agency Task Force, ug gihulat na lamang ang pagtugot gikan sa buhatan ni City Mayor Oscar Moreno lakip sa konseho sa syudad.
Sa nahisgutan nga rekomendasyon, full vaccinated ang mga estudyante lakip ang mga magtutudlo.
Ugali nga ma-aprubahan ang rekomendasyon diha-diha dayon nga makasugod na sa limited face-to-face classes gumikan naka-andam nang daan ang mga nahisgutan nga tulunghaan.
