BNFM Bicol- IDINEKLARA ng Philippine Drug Enforcement Agency (PDEA) Bicol ang 3 bayan sa rehiyon partikular na ang Manito at Malinao sa Albay at Gigmoto sa Catanduanes kasabay ang anim na mga barangay sa Camarines Sur at Sorsogon na Drug Cleared.
Ang mga nabanggit na mga lugar sa rehiyon ay mga nakapasa sa deliberation at assessment ng Regional Oversight Committee sa ilalim ng Barangay Drug Clearing Program (BDCP).
Nilinaw naman ni PDEA 5 (Bicol) Information Officer Carlo Fernandez na ang terminong “drug-cleared barangays” ay dating tinukoy na drug-affected kung saan may mga taong gumamit ng droga na sumailalim sa drug-clearing operations at dineklarang cleared mula sa mga aktibidad kaugnay sa ilegal na droga alinsunod sa mga parameter na itinakda ng batas.
Sa ngayon, 2,357 ng kabuuang 3,471 na mga barangay sa rehiyon ang deklarado nang drug-cleared, 678 ang drug free, habang nasa 436 pa ang drug-affected. ### Nico Merciales, Intern
Photo from PRO5
