Tiantayang aabot sa 3.1 milyong mga Pilipino, o katumbas ng 12.2% ang nakararanas ng involuntary hunger.
Ito ang lumabas sa survey na isinagawa ng Social Weather Stations.
Sa ulat, 0.4 points ito na mas mataas sa 11.8% na naitala noong December 2021; at 2.2 points na mas mataas noong Setyembre ng nakaraang taon.
Sa kabila nito, 0.9 points pa rin itong mas mababa kumpara sa annual average noong 2021 na 13.1%.
Pinakamataas na naitalang hunger sa Metro Manila na mayroong 18.6%; sinundan ng Mindanao na mayroong 13.1%; Balanced Luzon sa 11.7%; at 7.8% sa Visayas.
Lumabas na ito ang pinakamataas na hunger rate na naitala sa Metro Manila mula July 1998.
Isinagawa ang survey noong April 19-27 sa 1,440 adult respondents.
#
