Malipayon ang 2,906 tanan ka mangunguma sa banwa sang Jamindan matapos nakabaton sang tig-P5,000 nga financial assistance pinaagi sa programa sang Department of Agriculture nga Rice Competitiveness Enhancement Fund (RCEF).
Naglab-ot sa P14,530,000 ang napanagtag nga ayuda sang DA agud makabulig sa mga mangunguma nga naapektuhan sang kalamidad.
Ang ini nga distribusyon ginpangunahan ni Congresswoman Baby Jane T Castro kaupod si Mayor Mac Valdemar, Vice Mayor Aran Vestidas, SB Members, Mrs Sylvia Dela Cruz, Provincial Agriculturist, Former Mayor Rose Gardose, Engr. Israel B. Barros, APCO kag OMA staff sa pagpanguna ni Mr. Alberto Valdemar. | Judy Ann Juare
