Huli ang isang 28-anyos na lalaki matapos ang ikinasang drug buy-bust operation ng mga awtoridad sa Barangay Poblacion Uno, Real, Quezon nitong Lunes.
Batay sa report, isang operatiba umano ang nagsilbing poseur buyer kung saan nakabili ito ng hinihinalang shabu mula sa suspek na si alyas “Denver”, 28-anyos, residente ng nasabing bayan.
Nakumpiska naman sa suspek ang nasa limang (5) gramo ng hinihinalang shabu na tinatayang nagkakahalaga ng mahigit ₱33,000 at buy-bust money.
Samantala, kasalukuyang nasa kustodiya ng awtoridad ang suspek na nahaharap ngayon sa kasong paglabag sa Republic Act 9165 o Comprehensive Dangerous Drugs Act of 2002.
