Isa na namang batch ng mga Pilipino ang napabalik ng bansa mula sa Cambodia matapos mabiktima ng human trafficking at illegal recruitment.
Sa ulat ng Department of Foreign Affairs (DFA) – 27 na mga Pilipino ang matagumpay na-repatriate.
Ang siste – dumating umano ang mga biktimang Pilipino sa Cambodia sa magkakahiwalay na petsa sa pagaakalang lehitimo ang kanilang pinasukang trabaho..
‘Yun pala – ipapasok sila sa mga kumpanyang sangkot sa online scamming activities.
Dahil dito – tuluy-tuloy ang paalala ng mga otoridad na maging maingat sa mga kababayan nating job hunters na nag-aasam na makapagtrabaho abroad.
Anila, siguruhing sa mga lisensyadong recruitment agencies lamang sa bansa makipagtransaksyon.
