TAKDANG ipang-deliber karong adlawa sa mga sakop sa Department of Health-Center for Health Development Soccsksargen o Region-12 ang bag-ong abot nga bakuna kontra Covid-19.
Matud ni Arjhon Gangoso, tigpamaba sa DOH-12 naa sa 26,000 ka vials sa bakuna ang naabot Martes sa buntag. Kini alang sa mga nabiling indibidwal nga anaa ilawom sa A1 to A3 priority groups o frontline health care workers, senior citizen ug persons with comorbidities.
Sa labing ulahing ihap anaa sa gatusan na ka mga indibidwal nga naa sa priority group sa rehiyon ang nabakunahan na kontra Covid-19. Sa karon, naa sa proseso sa paglista sa posibleng mabakunahan ang mga Rural Health Unit alang sa mga eligible workers o A4 priority group. ( Richel Gubalani)
File Photo LGU Gensan
