Gikan sa 26 ka guerrilla fronts sa New People’s Army kon NPA nahimo nalang kini karong unom gumikan sa padayong pagkibhang sa ihap sa mga myembro sa rebeldeng grupo nunot sa sunod-sunod nga pagsurennder ug walay hunong nga operasyon sa militar.
Ang naasoy nga report subay sa Philippine National Police nga nagbatbat sa sitwasyon sa walhong kalihukan sa Southern Mindanao.
Sumala sa pamunuan sa nasudnong pulisya, gisaysay ni PNP General Guillermo Eleazar nga ang maong kalambuan resulta sa gipahugtang anti-communist insurgency campaign ni Presidente Rodrigo Duterte kung diin katambayayong sa PNP ang militar.
Tungod niini mas mitaas ang kumpiyansa sa suha ka law enforcement unit nga palig-unon pa ang paningkamot aron tapuson ang ensurhensiya.
Base matud pa sa naunang report, gibutyag ni Major General Ernesto Torres, 10th Infantry Division commander, ang datus sa National Task Force to End Local Communist Armed Conflict (NTFELCAC) nagbutyag nga mokabat na sa kinatibuk-ang 18,433 communist rebels ang nibalik sa sabakan sa balaud sukad 2016, lakip ang 92 “child soldiers.” BNFM-Davao
