Maabot P760,000 financial assistance ha ilarom han Enhanced Comprehensive Local Integration Program (E-CLIP) an ginpandistribwer ha 24 former members han Communist Party of the Philippines-New People’s Army (CPP-NPA) ha Borongan City, Eastern Samar.
Naging malinampuson an nasabi nga pandistribwer ha pamaagi han suporta ha 78th Infantry Battalion, Philippine Army, ha koordinasyon han Department of Interior and Local Government Unit (DILG), ngan Provincial Government of Eastern Samar.
An walo nga former NPA regular members in nagpakakakarawat hinP65,000, samtang an 16 former Militia ng Bayan (MB) members in nagpakakarawat hin tagsa P15,000 nga financial assistance.
An nasabi nga financial assistance in kaparte han programa han gobyerno agud makabulig ha mga anay rebelde nga makapagtikang hin panibag o nga panginabuhi.
Usa ha mga nag-asister hi Eastern Samar Vice-Governor Maria Caridad Goteesan ha mga rebel returnees.
Sumala naman kan Commanding Officer of 78th Infantry Battalion, Lieutenant Colonel Allan Tria nga tanan nga bulig nga nakakarawat han mga anay rebelde in nagpapakita la nga seryoso an gobyerno ha pagbulig labi na ha mga karuyag bumalik ha piyod han gobyerno.
Samtang hi 8th Infantry Division Commander, Major General Camilo Z. Ligayo, in padayon nga gin-aaghat an tanan nga nagpapabilin pa ha bukid nga sumurindir na ngan hangkupon an kamurayawan ngan panibag o nga kinabuhi kaupod an tagsa pamilya.