LEGAZPI CITY – Kinumpirma ng Local Government Unit (LGU) Polangui na makakatanggap ng mga rescue vehicle ang mga barangay sa nasabing bayan. Ayon kay Mayor Andy Mariscotes ng Polangui Albay, 22 rescue vehicle ang ipapamigay sa mga low land barangays.
Aniya, kauna-unahang din ang LGU na magbibigay ng nasabing sasakyan sa mga barangay. Ang rescue vehicle ay mapopondohan mula sa 2022 Economic Development Fund. Layunin nito ay mapabilis din umano ang paghahatid sa emerhensya patungong ospital at makapagsalba rin ng buhay ng isang tao tuwing magkakaron ng insidente.
Sinabi ng opisyal, hangad din nito na magkaroon ang 44 na barangay sa Polangui ng rescue vehicle at iba pang kagamitan pagdating sa emerhensya.
