DUGANG 20,000 vials sa Sinovac vaccine ang nadawat sa Department of Health (DOH) 12 gikan sa kaulohang Manila. Miyerkoles sa buntag dihang miabot sakay sa abyon sa Awang Airport sa Datu Odin Sinuat, Maguindanao ang maong mga bakuna.
Matud ni Arjhon Gangoso, education and promotional officer sa DOH-12 sa Soccsksargen ang bakuna ang gamiton sa pagbakuna. Alang sa mga nahibilin nga naa sa A1 hangtud A3 priority group o mga frontline medical health care workers, senior citizens ug adult with comorbidities.
Ang alokasyon sa bakuna ang takdang ideliber sa DOH-12 ngadto sa mga provincial ug city health office. Kahibaloan nga misaka na sa gatusan ka naa sa maong priority group ang nabakunahan na gamit ang Sinovac ug AstraZeneca vaccine. ( Richel Gubalani)
