LEGAZPI CITY – Duwang mga tinampo sa syudad kan Legazpi City an pigtatarget na mabugtakan o taltagan ki deputized volunteer traffic enforcers na sarong inisyatiba kan Albay Public Safety and Emergency Management Office (APSEMO).
Ini an sinabi ni Public Safety Office (PSO) Legazpi Chief Ret. Col. Rolly Esguera sa Brigada News FM Legazpi.
Segun saiya, iyo ini an Peñaranda Street asin Rizal Street na parehong main areas of concern pag-abot sa problema kan illegal parking asin obstruction.
Mientras, apwera sa duwang namensyonar na tinampo, kaibahan man sa tinututukan an Captain Aquende Drive asin Lakandula Drive.
An nasambit na mga tinampo kaya, iyo su boot an dapat ma-clear huli ta sa mga lugar na ini madalas magkaigwa ki magabat na bulos nin trapiko.
Sinabi man ni Esguera, dakulang katabangan sa sainda an inisyatiba kan APSEMO huli ta bako man arog kaito kadakol an saindang PSO personnels.
