Duha ang kumpirmado nga patay sa nagluntad nga sunog sa Rizal Street, Brgy. VII, Roxas City takna 1:15 subong nga hapon sang Martes, Pebrero 27.
Ginkilala ang mga napatay nga sanday Nenita Villaruz, senior citizen, pwd kag alyas Bai, yara sa legal nga pang-edaron.
Sandig sa inisyal nga impormasyon nga nakuha sang Brigada News FM, nagaisahanon lamang sa ila puluy-an si Villaruz kag ini ang ginapahayag lupog rason nga wala ini makaluwas sa sunog.
Samtang si alyas Bai, ginapahayag nga nakaluwas na apang ginaalegar ginbalikan sini ang iya balay agud kuntani kuhaon ang ref.
Nahibaluan nagikan ang kalayo sa namatyan kag madasig nga naglapta sa mga kaiping nga puluy-an.
Gindeklara nga fire out sang mga katapo sang bumbero takna alas 3:00 sang hapon.
Sa karon, padayon ang imbestigasyon sang otoridad agud matumod ang balor tanan sang kahalitan. | Judy Ann Juare
