NAGPABILIN nga problema sa pamilya Serenio kon sa unsang paagi sila subling makapatukod og balay human nga gianod sa tubig ang ilang gipundar nga pinuy-anan.
Segon ni Larena nga wala silay bisan usa ka sanina ug tapot lawas lang ang ilang nadala sa ilang paggawas sa ilang balay tungod sa kalit nga pagsaka sa tubig gikan sa dike.
Hangyo nalang niini nga unta bisan sa materyales nalang nga sila ang subling makapatindog og pinuy-anan.
Sila ang wala usab nakaikyas luyo sa partially damaged lang ang ilang balay
Saysay pa niini nga gusto unta nilang isalbar ang ilang television speaker ug uban pa ugaling kay dili na makuha ang mga gamit tungod sa kalit nga bul-og sa tubig.
Segon pa niini nga nakurat nalang sila sa maong baha tungod kay sa dihang miabot kini walay nahitabong pag-ulan sa ilang lugar.
Samtang sa bahin sa barangay gipaniguro ni Kapitan Jeoffrey Salanio nga wala niini gipasagdan ang mga apektadong pamilya tungod ginapangitaan nila og paagi nga maayudahan alang sa ilang panginahanglanon. I Danny Casi
