Huli ang dalawang lalaki matapos ang ikinasang drug buy-bust operation ng pinagsama-samang pwersa ng mga awtoridad sa Barangay Ilayang Iyam, Lucena City nitong Miyerkules, Enero 17.
Ayon sa police report, bandang alas-5:00 ng umaga nang madakip ang mga suspek na kinilalang sina alyas “Loloy”, 33-anyos, residente ng Brgy. Dalahican; at alyas “Azlen”, 34-anyos, naninirahan sa Brgy. Ibabang Dupay.
Nasamsam mula sa mga suspek ang mahigit pitong (7) gramo ng hinihinalang shabu na tinatayang nagkakahalaga ng mahigit ₱155,000, isang (1) coin purse at ang buy-bust money.
Samantala, nasa kustodiya na ngayon ng Lucena City Police Station (CPS) ang mga suspek na nahaharap ngayon sa kasong paglabag sa Republic Act 9165 o Comprehensive Dangerous Drugs Act of 2002.
