Patay ang duha ka mamalitay sa usa ka tindahan samtang samara ang usa ka 5-anyos nga bata sa nahitabong pagpamusil sa usa ka tindahan nga nahimutang sa Crossing Tologan, Guihing, Hagonoy, Davao del Sur kagabii.
Sa report sa Hagonoy Municipal Police Station giila ang mga biktima nga silang Jonathan Buenaflor, 45-anyos ug Lilibeth Brieta, 41-anyos samtang igo sa kamot ang 5-anyos nga si Shaira Tambuto nga anak sa caretaker sa tindahan.
Sumala pa nga magbayad na unta sa ilang gipalit ang mga biktima sa dihang kalit na lamang namusil ang duha ka wala mailang mamumuno hinungdan sa ilang kamatayon samtang ang bata saag nga bala matud pa ang miigo sa iyang tuong kamot rason nga nadala sa ospital.
Misibat gilayon ang mga suspek kinsa gipangita na karon sa kapolisan. BNFM-Davao
