NAKAGAWAS na sa selda sa San Isidro PNP ang duha sa ilang dinakpan pinaagi sa pagsilbi sa warrant of arrest.
Subay sa progress report sa presento kwatro September 26 2023,ang duha ka dinakpan nga silang Joseph Diana Sr ug Rommel Jocson nga taga Barangay Tinagacan, nakapyansa na sa ilang kaso.
Subay sa resibo gikan sa korte ug sa release order nga permado ni Hon Judge Joyce Koh Mirabueno anaa sa usa ka gatus ka libo ka pesos sa matag usa ang ilang pyansa alang sa ilang temporary nga kagawasan.
Kahibaluan nga September 25 gisilbi ang warrant batok sa duha gumikan sa kaso nga may kalabotan sa pagpanulis. I Ver Diazon
