LEGAZPI CITY – Arestado an duwang babaye sa Purok 4, Brgy. 16, Washington Drive, Legazpi City huli sa kasong may kinaraman sa panghahabon.
Binisto kan mga otoridad an mga suspetsado na sinda alyas Nica, 18 anyos asin si Mitch, 24 anyos na pararehong mga residente kab Brgy. Maslog.
Naarestar an mga ini sa kusog kan mandahamiento de aresto para sa kasong qualified theft sa irarom kan Criminal Case No. 17318 na may PHP30, 000 na kantidad nin pyansa kada saro para sa saindang temporanenteng libertad.
Nagtetenir na an mga suspetsado sa hepatura kan pulisya kan nasambit na syudad para sa magkakanigong disposisyon.
