LEGAZPI CITY – Arestado sa Purok 7, Brgy. Bagumbayan, syudad kan Ligao, Albay an duwang persona sa ikinondusir na drug buy-bust operation.
Dakop an high value individual na sekyu na binistong si alyas Alvin, 29 anyos, taga-Binatagan kan nasambit na syudad, asin si alyas Tristan, 38 anyos na parakatay ki karne na sarong street level individual na taga-Peñaranda, syudad kan Legazpi.
Nakumpiskar sainda an 5 sachets nin pinagtutubudang shabu na may pigkakalkulong timbang na poko mas omenos 10 grams na nagkakantidad P68,000; P1,000 genuine bill na buy-bust money, asin mga fake na P1,000 bill komo boodle money asin iba pang non-drug items.
Nasa kustodiya na an mga ini kan pulisya para sa magkakanigong disposisyon.
