LEGAZPI CITY – Inilunsad na ng Local Government Unit (LGU) Daraga ang 1st Mobile Lab and Diagnostic Clinic na magbibigay serbisyo sa mga barangay.
Pinangunahan ng Alkalde Carlwyn Baldo ng Daraga kasabay ang kanyang Vice Mayor Junjie Jaucian at Municipal Councilors ng nasabing bayan.
Sa isinagawang press conference sinabi ni Baldo, hindi bababa sa 54 na barangay ang maaari nang magtamasa ng libreng serbisyo sa pangangalagang pangkalusugan.
Aniya, ang inisyatiba ay nagmula sa kanyang pakikipag-ugnayan sa mga tao sa panahon ng kanyang kampanya na madalas na nagrereklamo tungkol sa kawalan ng access sa mga de-kalidad na serbisyo sa pangangalagang pangkalusugan dahil sa kanilang mga personal na kalagayan.
Halos araw-araw umano, nilalapitan ito nang tao at ibinabahagi ang kanilang mga damdamin tungkol sa kanilang mga serbisyong medikal.
Dahil dito, ito ay binigyan ng agarang solusyon ng lokal na pamahalaan ang mga nangangailangan ng tulong sa pangkalusugan.
Ayon pa sa Alkalde, dalawang mobile Arangkada Banwa Mobile Laboratory and Clinics (ABMLCs) ang inihatid sa mga taga-Daraga.
“Ang ABMLC ay isang paunang pagsisikap na magbigay ng epektibo, mahusay, at pinakamahalagang libreng serbisyo sa pangangalagang pangkalusugan sa lahat ng mga Daragueño”.
Sinabi ng opisyal, maaaring magpakonsulta sa mobile lab and clinics ang mga residente tulad ng xray, urinalysis, bloodtest, at iba pang medical services na libre ibibigay sa mga ito.
