LEGAZPI CITY – Isinagibo kasuudma an 1st Bicol Immunization Summit kan Department of Health (DOH) sa sarong hotel sa syudad nin Legazpi kasarabay an manlain-lain na mga lokal na gobyerno sa rehiyon, barangay healthcare workers asin iba pang stakeholders.
Segun kay DOH Bicol Regional Director Rodolfo Antonio Albornoz, haros 50 taon na an nakalihis kan nagpuon an pagbabakuna kan World Health Organization (WHO) na dating inapod na Expanded Program Immunization.
Segun kay Albornoz, dapat enganyaron kan mga lokal na gobyerno an mga magurang na matawan ki mga bakuna an mga aki siring kan sa pneumonia asin iba pa tanganing mairayo sa sinda sa mga kahelangan.
Target kan ahensya na makua an 95% na vaccination rate sa rehiyon.
