Halos dalawang daang kabahayan ang nasira dahil sa patuloy na sama ng panahon na nararanasan sa lalawigan ng Palawan hanggang kahapon, ayon sa Provincial Disaster Risk Reduction & Management Office.
Sa naturang bilang, 155 dito ay partially damage at 39 ang totally damage mula sa mga bayan ng Aborlan, Brookes Point, Bataraza, balabac, taytay, Cuyo at Narra.
Kaugnay pa rin ng masamang panahon, may 11 bangka ang winasak ng malalaking alon habang may 61 ang partially damage.
Samantala, naka-activate pa rin ang mga emergency operation center at naka-bantay sa mga bayan habang patuloy ang distribusyon ng mga relief goods sa mga pamilyang apektado ng sama ng panahon.
