Pormal nang gideklara isip drug cleared sa Regional Oversight Committee Barangay Drug Clearing ang anaa sa 19 ka barangay nga sakop sa Malita Davao Occidental.
Kini atol sa gipahigayong virtual Deliberation/Declaration of Drug Cleared Barangay via zoom kagahapon June 15, 2021 sa pagpanguna sa ROCBDC.
Gilangkuban sa Brgy. Bolila, Brgy. Buhangin, Brgy. Culaman, Brgy. Felis, Brgy. Kibalatong, Brgy. Kidalapong, Brgy. Kilalag, Brgy. Lagumit, Brgy. Little Baguio, Brgy. Macol, Brgy. Mana,Brgy. Manuel Peralta, Brgy. New Argao, Brgy. Pangaleon, Brgy. Pangian, Brgy. Pinalpalan, Brgy. Talogoy, Brgy. Tical ug Brgy. Sanghay nga malampusong nakakumpleto ug nakasunod sa mandatory requirements nga gitakda sa Dangerous Drugs Board.
Human sa gihimong validation sa ROCBDC nga gipanguluhan ni PDEA-XI RD Antonio Rivera kauban ang mga myembro sa oversight committee gikan sa Department of Interior and Local Government, Police Regional Office XI, Department of Health and Local Government Unit hingpit gideklara ang maong mga barangay.
Ang aktibidad gisalmotan sa Regional ug mga opisyal sa 19 ka barangay sa Malita, Davao Occidental. BNFM-DAVAO
