Nagbabala ang Department of Health na maaari pang sumipa sa 18,000 kaso ng COVID-19 ang maitatala kada araw sa kalagitnaan ng Nobyembre.
Ito ang inilabas na projection ng Kagawaran matapos makumpirma ang infection ng XBB at XBC variants sa Pilipinas.
Sa Media Forum, sinabi ni DOH officer-in-charge Maria Rosario Vergeire na ito ang kanilang pagta-tantiya kung magtutuluy-tuloy pa rin ang mababang compliance ng publiko sa minimum public health standards.
Kahapon, nakapagtala ng 1,196 na mga bagong kaso ng COVID-19 ang DOH habang 15,144 naman mula October 11 hanggang 17.
