Naibaba na sa Bureau of Fisheries and Aquatic Resources Region 3 ang pondo para sa mga mag-aasin ng Central Luzon.
Ito ay nagkakahalaga ng 17-million pesos na gagamitin para sa mga gagawing intervention program.
Ayon kay BFAR Region 3 Dir. Wilfredo Cruz, inaayos ito ngayon ng bureau para sa mga pagkakagastusang tiyak ay mapapakinabangan ng mga salt farmers.
Mismong si Cruz ang personal na pumupunta sa mga salt farms sa rehiyon katulad sa Zambales at Bulacan para makausap ang mga mag-aasin at malaman ang mga kinakailangan pang gawin bilang bahagi ng interbensyon na magpapaunlad sa industriya ng pag-aasin sa bansa.
Ito ay matapos na mapag-usapan kamakailan sa nasyonal ang usapin dahil sa mababang produksyon ngayon ng asin sa bansa.
Maliban sa Bulacan at Zambales ay may posibilidad naman umano ang Aurora at Bataan para sa modernisasyon ng salt production.//Jen Bayot-BNFM OLONGAPO
PHOTO: BFAR Central Luzon
